II Hiritar Digitalen Nazioarteko Kongresuko Helburuak

Klase politikoaren eta, zehazki, gobernatzaileen eta hiritarren artean sortutako harreman mota berrian teknologia berriek duten eraginari buruz hausnarketa egitea da Hiritartasun Digitaleko Nazioarteko II. Kongresuaren helburu nagusia.

Helburuak:

• Politikoek sare sozialetan duten presentzia aztertzea eta hiritarrekin sortu den harreman mota berriari buruz hausnarketa egitea.
• Datu publikoak gobernuen, enpresen eta hiritarren eskura jartzeak ekarriko lituzkeen oztopo eta abantailak aztertzea.
• Orain arte martxan jarritako administrazio elektronikoko esperientzia nagusiak ezagutzea.
• Blogak eta twiter bezalako tresna teknologikoen bitartez hiritarrek politikoengan izan dezaketen eragin maila neurtzea.
• Hedabideek jokatzen duten papera ikertzea.
• Zenbait esperientzia praktikoen berri ematea.
• Teknologia berriak asimilatzeko eta horiek eguneroko bizitzan zein gobernatzaile eta hiritarren arteko harremanean erabiltzeko espazioak, dinamikak eta metodologiak sortzea.